O ensino ilustrado

Rosalía de Castro

Co gallo do 150 aniversario da publicación de Cantares gallegos:
Un grupo de escritoras galegas quixo unirse para continuar dando vida a Rosalía. Así, organizándose a través das redes sociais, decidiron colaborar na gravación dun vídeo colectivo no que teñen cabida escritoras e non escritoras, nenas, mozas e vellas, feministas, transfeministas, actrices, vendedoras, estudantes, afectadas polas preferentes, libreiras, mulleres contra o maltrato, mestras, profesoras,persoal sanitario, ecoloxistas... Mulleres falando de mulleres, e ao tempo, falando de todos, falando dos que aquí e agora sofren. Este
vídeo coral pretende seguir o exemplo de conciencia e rebeldía da grande escritora ao recitar os seus versos desde o presente.
As gravacións amateurs foron montadas e editadas pola cineasta Raquel Rei.
Participan, entre moitas outras, Mónica Caamaño, María do Cebreiro,María Xosé Queizán, Teresa Seara, Helena Villar Janeiro, Xulia Alonso, Eva Veiga, Yashmina Shawk, Begoña Paz, Mónica Bar, Rosa Enríquez, Lucía Novas, Inma López Silva, Estíbaliz Espinosa, Laura Bugalho, Rosalía Fernández Rial, Verónica Martínez, Rexina Vega ou Comba Campoy.
http://www.youtube.com/watch?v=g_tEH4K8rqM&feature=youtu.be

Séculos Escuros

Nesta seguinte ligazón podes ver un power-point que che servirá para revisar ou completar o contexto histórico e a literatura de carácter popular e culta conservada durante os Séculos escuros.
 http://www.slideshare.net/anagagon/lit-sec-esc

Rosalía de Castro

Ola,rapaces!: Xa chegamos á terceira avaliación e imos coñecer os poetas destacados no Rexurdimento. Empezaremos analizando a Rosalía de Castro co visionado deste power point realizado por alumnas de 1ºBacharelato. A min pareceume bastante claro e destaco del a combinación de teoría e presentación dalgún dos seus textos máis emblemáticos. Xa me contaredes!

Poemas de Rosalía de Castro musicados

Se premes neste enlace podes escoitar varios poemas de Rosalía musicados por distintos intérpretes e ademais, como apoio, aparece a letra do poema. O primeiro que aparece (non podía ser doutro xeito) é "Adiós ríos, adiós fontes", pero se na parte dereita pulsas no apartado Século XIX e buscas en Rosalía de Castro accedes ao audio de nove poemas máis. Xa veñen preparados para que os saborees!!!
http://sondepoetas.blogspot.com.es/2008/04/adis-ros-adis-fontes.html

Webquests "Descubrindo a Rosalía"

No seguinte enlace entraredes nunha páxina con actividades dirixida a alumnos e alumnas de 3º de ESO e que intenta ser unha aproximación aos principais aconteceres da vida de Rosalía, sen esquecer a súa poética.
http://www.as-pg.com/webquests/derosalia/index.html

Pautas para o comentario dun texto literario

Preme neste enlace e atoparás as pasos a seguir para comentar calquera texto literario.
https://docs.google.com/file/d/0B8pmqO9A5ZZlMDNFQzBkcC1uakk/edit?usp=sharing

MANUEL CURROS ENRÍQUEZ

                                       


Neste enlace accedes á fundación Curros Enríquez e podes completar a información que sobre este autor aparece no libro:
http://www.currosenriquez.es/gl/o-poeta/curros-enriquez.html

Recorda que podes escoitar varios poemas do autor musicados neste enlace:
sondepoetas.blogspot.com

Para ler online Aires da miña terra ou O divino sainete lembra ir ao gadget LECTURAS ONLINE e premer na Biblioteca virtual galega.

A LITERATURA MEDIEVAL

Olla este vídeo sobre "o soporte técnico na Idade Media"  e comenta a opinión que che merece en relación coas novas tecnoloxías actuais.

Selección de cantigas de amigo

Imos ler algunhas cantigas de amigo galego-portuguesas. Veremos se lle colles gusto e te animas a compoñer unha...
http://issuu.com/socri/docs/selecci_n_de_textos._cantigas_de/1?e=2231712/1115811

Versión musicada da cantiga "Ondas do mar de Vigo"

Versión musicada da cantiga "Ondas do mar de Vigo"

Como este primeiro trimestre imos coñecer a literatura medieval galego-portuguesa pareceume boa idea achegarvos unha versión/adaptación da cantiga de amigo "Ondas do mar de Vigo" de Martín Códax (siiiiiiiii, esa que tedes que memorizar este ano e que espero fique prendida na vosa memoria para sempre!!!)  na voz de Socorro Lira, cantante brasileira, e que forma parte do magnífico CD "Cores do Atlântico".
Espero que vos guste!!!
Ah, aproveitade para ir a Youtube e escoitar a música orixinal da cantiga e así apreciar as diferenzas. Xa me contaredes!!!

Como facer o comentario dunha cantiga medieval

https://docs.google.com/document/d/1D4qOPsLSYTtBeaatTrZOuQrX9HQWMgbpJ0QuG2p96r0/edit?usp=sharing

Comentario da cantiga "Ondas do mar de Vigo"

Tal e como me pedistes, aquí vos deixo o documento no que vos redactei o comentario da cantiga "Ondas do mar de Vigo". Espero que vos sirva como referencia.
https://docs.google.com/document/d/1PK7zdTn2ZyWYttj8eTAoSFxvRKN-jNNFrV4a5nAwZNY/edit?usp=sharing